汽車香薰點揀先啱?
大部份車主，不論新車定舊車，車廂入面都會放咗五花八門嘅汽車香薰，大多數車主都覺得用汽車香薰主要係掩蓋車廂內嘅異味，其實呢個諗法並唔係100%正確。
市面上大部份嘅汽車香薰主要由香料同有機溶劑組成，部份更有酒精成份，透過揮發就能夠將香味帶到全車每一個角落，特別係汽車開冷氣時。
當然如果您揀嘅係高質量嘅香薰而且合理地使用的話，都可以有效改善車內嘅空氣品質，提昇個人品味，醒腦提神，舒緩疲勞等功能，咁究竟點為之正確使用汽車香薰呢?店主為您帶來一些車用香薰嘅正確選擇知識，希望能夠幫到每位車位。
首先香薰嘅品質好重要,市面上車用香薰嘅質量參差不齊, 劣質嘅香薰容易引起好多呼吸系統疾病，而優質嘅香薰不但製作精美，香味持久，部份仲有殺菌除異味嘅功效，所以喺選擇車用香薰嘅時候一定要細心挑選，優質嘅嘅車用香薰味道主要以果香居多，其次就係花香等等嘅自然香氣。
此外，喺買香薰嘅時候都要多注意，儘可能不好買玻璃瓶裝嘅液態型香薰，因為呢類香薰外型通常都比例美觀，但長時間因為日曬就有爆炸嘅風險。
其實揀用咩香味都有學問，果香或者鮮花嘅香味有醒腦提神嘅作用，薄荷檸檬嘅香味就可以明顯消除疲憊，另外因為薰衣草有安眠作用，記得揸長途車時盡量避免用薰衣草味嘅香薰！
最後，喺買香薰嘅時候，一定唔好買有尖角設計嘅香薰，萬一出現意外，呢類型外觀嘅香薰就會變得非常危險！
原文網址：https://kknews.cc/fashion/6p698bl.html
---------------------------------------------------------------------------------------